பெருங் கூட்டத் தனிமை

நாளொன்றில் நான் கண்ட கனவுகளை பெருங்கூட்ட தனிமையில் தேடினேன் இளைப்பாற இடம் இல்லா தனிமனித வாழ்க்கை ஆயிரம் உறவுகளின் துணையிருந்தும் வெறுமைதான் வழி தெரிந்த குருடனாய் இன்றும் பயணிப்பதை வாய் தவறியும் சொல்வதிற்கில்லை அது தலை எழுத்தில் இணைக்கப்பட்ட சாசனமோ..! சந்தேகமுண்டு எனக்கு பேச்சில் இனிமையும் எழுத்தில் சுவையையும் கருத்தில் நேர்மையும் கைக்குள் இருக்கும் என் வெற்றியின் திறவுகோல் இன்னும் கிடைத்தபாடில்லை தேடலும் நின்றபாடில்லை எல்லோரையும் அசைத்துப்பார்க்கும் அந்த இனியதொரு நாள் எப்போது காண்பது